युवा जागे देश जाग्छ सबले अब बुझ्नु पर्छ ॥
अशान्तिको जालो भाग्छ सबले अब सुझ्नु पर्छ ॥

बाइबल कुरान र महाभारत गीता संगै । 
ढुंगा पनि देव लाग्छ मानवता पुज्नु पर्छ॥ 

तेरो मेरो सानो ठुलो छुवाछुत छाडे सारा।
उन्नतिले बाटो ताक्छ कर्म संग जुझ्नु पर्छ॥

मरे यही माटोमा नै बाचें मेरै देशले नै ।
श्रम अनि सिप माग्छ पसिनाले रुज्नु पर्छ॥

हत्या हिँसा बढ्दै जान्छ अझै हामी मौन रहे ।
पापै पापले सिमा नाघ्छ राम बनि कुच्नु पर्छ॥

सर्वाधिकार सुरक्षित ©"बिखर्ची राम"
माडी,चितवन,नेपाल
हाल:आँशुको सागर बाट