मेरै मानो खाएर मेरै जरो खन्छौ किन?
मेरै धरो लाएर मेरै जरो खन्छौ किन ?

आफुँ रुँदै हिडेपनि तिम्लाई खुशी राखें !
आँखा भरि छाएर मेरै जरो खन्छौ किन?

न्याउली झैं विरहमा तिम्रै भाका मनभरि!
मेरै गीत गाएर मेरै जरो खन्छौ किन ?

सबै दिएँ भको जति फेरी के आश राख्दै!
चोक गल्लि धाएर मेरै जरो खन्छौ किन?

खुन्का धारा मुख भरि प्राण यो जानै लाग्दा!
मेरै मुख बाएर मेरै जरो खन्छौ किन ?

सर्वाधिकार सुरक्षित © २०६९,बिखर्ची राम
बघौडा,८,ब्रहमपुरी,माडी
चितवन,नारायणी,नेपाल