आउ सानु ।।

यौवनको प्यास मेट्न अधेरिमा आउ सानु ।।
बहाना ति सयौं पारी पधेरिमा आउ सानु ।।

लजाएर रातै भरी बहानाको घुम्टो ओढी ।
सुस्तसुस्त पाईला चाली मझेरीमा आउ सानु ।।

प्रेम प्याला भर्नलाई ओत लाग्ने छानो भित्र।
तिम्रै मन मन्दिरको घडेरीमा आउ सानु ।।

जवानीको बेलै यस्तो खडेरीको खेति जस्तो।
अतृप्त त्यो सागर बनी खडेरीमा आउ सानु ।।

सर्वाधिकार सुरक्षित ©"बिखर्ची राम"
बघौडा,८,माडी ,चितवन,नेपाल
हाल:यु,ए,ई,दुबई