नयनको तीर लाग्ला आफ्नै बाटो जाउ॥ 
यौवनको जोश जाग्ला आफ्नै बाटो जाउ॥ 

नयनका मदिरा ति पिएपछि लट्ठ पर्दै । 
अधरले अधर माग्ला आफ्नै बाटो जाउ॥ 

कम्पन त्यो छुटेपछि शरीरमा आहटले ।
मन्को सबै डर भाग्ला आफ्नै बाटो जाउ॥

फक्रिएको फुल झैं तिम्रो बैंश देखेपछि ।
माली बनी उतै राख्ला आफ्नै बाटो जाउ॥

गन्तब्यमा एक्लै हुँदा यात्री भई जीवनको।
सवारी नै सम्झी हाक्ला आफ्नै बाटो जाउ॥

भर छैन रामको बिग्रिएछ मदिरा ले ।
नशा सम्झी थोरै चाख्ला आफ्नै बाटो जाउ॥

सर्वाधिकार सुरक्षित © २०६९,"बिखर्ची राम"
बघौडा,८,ब्रहमपुरी,माडी
चितवन,नारायणी,नेपाल
हाल:मरुभूमिको छातीबाट